Originally Posted by
Superstarakshay
സൂപ്പർ ശരണ്യ ഇന്ന് ott റിലീസ് നു ശേഷം ഒന്നുകൂടി കണ്ടു.
തീയറ്ററിൽ കാഴ്ചകളിൽ ഒരുപാട് ഇഷ്ടപ്പെട്ട സിനിമയായിരുന്നു.
ശരണ്യ എന്ന btech വിദ്യാർത്ഥിനിയുടെ ഒരു ഹ്രസ്വകാല ജീവിതമാണ് സിനിമയുടെ പ്രമേയം.
ഒരു പെൺകുട്ടി അവളുടെ കോളേജ് ജീവിതകാലത്ത് അനുഭവിക്കുന്ന മാനസികസംഘർഷങ്ങൾ, അതോടെ കൊച്ചു കൊച്ചു സന്തോഷങ്ങൾ എല്ലാം സിനിമ മനോഹരമായി കാണിച്ചുതരുന്നു.
മിക്ക പെൺകുട്ടികളുടേയും ഒരു പേടിസ്വപ്നമാണ് stalking. അതിന്റെ വിഷമങ്ങൾ സിനിമയുടെ core genre ആയ തമാശയിൽ പൊതിഞ്ഞ് കാണിച്ചുതരുന്നു.
ശരണ്യ ആയി അനശ്വരരാജൻ മികച്ച പ്രകടനമാണ് കാഴ്ച വച്ചിരിക്കുന്നത്. ആ കഥാപാത്രത്തെ ഉൾക്കൊണ്ടുകൊണ്ട് അവളുടെ ഇമോഷൻസ്, തുടക്ക കാലത്തെ ധൈര്യം ഇല്ലായ്മ, പിന്നീട് വരുന്ന മാറ്റങ്ങളൊക്കെ നന്നായി അവതരിപ്പിച്ചു. വ്യക്തിപരമായി ഈ കഥാപാത്രം എനിക്ക് വല്ലാതെ ഇഷ്ടപ്പെട്ടു( കഥാപാത്രവുമായി റിലേറ്റ് ചെയ്യാൻ കഴിഞ്ഞാൽ ഭയങ്കര lovable ആണ് അനശ്വരയുടെ ശരണ്യ ആയുള്ള പ്രകടനം)
പിന്നെ പ്രധാന attraction ആണ് ശരണ്യയുടെ കൂട്ടുകാരിയായി സിനിമയിലുടനീളം നിറഞ്ഞുനിൽക്കുന്ന സോനാ (മമിത ബൈജു ) അവരുടെ കോമഡി ടൈമിംഗ്, മൊത്തത്തിലുള്ള ഒരു heroic charm ഒക്കെ വളരെ രസമായിരുന്നു കണ്ടിരിക്കാൻ... ഓപ്പറേഷൻ ജാവ എന്ന ചിത്രത്തിൽ ഒട്ടും ഐഡന്റിറ്റി ഇല്ലാത്ത ഒരു കഥാപാത്രമായി ഈ നടിയെ ഒതുക്കിയപ്പോൾ ഈ സിനിമ കിടിലൻ റോൾ കൊടുത്തു ഇവരുടെ ഫാൻ ആക്കുന്ന രീതിയിലുള്ള പെർഫോമൻസ് ആണ് നമ്മുടെ മുന്നിൽ കാഴ്ചവെക്കുന്നത്.
പുതു തലമുറയിലെ ശ്രദ്ധേയനായ അർജുൻ അശോകൻ നായകനായി തിളങ്ങി അദ്ദേഹത്തിന്റെ അളിയൻ ആയി അഭിനയിച്ച നടനും സുഹൃത്തായി അഭിനയിച്ച നടനും ഗംഭീര പെർഫോമൻസ് ആയിരുന്നു. എന്തൊരു ഏതിനും കൂടെ നിൽക്കുന്ന ചങ്ക് വരുൺ എല്ലാവരും ആഗ്രഹിക്കുന്ന ഒരു സുഹൃത്താണ്.
ഇങ്ങനെ ആകെ മൊത്തത്തിൽ സിനിമ എനിക്കൊരു സൂപ്പർ അനുഭവമായിരുന്നു.
എന്നെ ഏറ്റവും വിഷമിപ്പിച്ച കാര്യം സിനിമയ്ക്ക് തീയറ്റർ റൺ സമയത്ത് ലഭിച്ച സമ്മിശ്ര പ്രതികരണമാണ്. 1st ഹാഫ് കിടിലൻ 2nd half വെറുതെ ലാഗ് എന്നൊക്കെയായിരുന്നു അഭിപ്രായം പക്ഷേ ഇന്നും അത് എന്തുകൊണ്ടാണ് എന്ന് എനിക്ക് മനസ്സിലാകുന്നില്ല!!!
മികച്ച രീതിയിൽ തുടങ്ങി വച്ച ഒരു ആദ്യപകുതിയുടെ കൃത്യമായ തുടർച്ച തന്നെയാണ് ഇതിലെ രണ്ടാംപകുതി.
മികച്ച ഒരുപാട് നർമ്മ മുഹൂർത്തങ്ങൾ രണ്ടാംപകുതിയിൽ വരുന്നുണ്ട് താനും!!
1st half ne അപേക്ഷിച്ച് പ്രണയം ഒരു ഇത്തിരി കൂടി സീരിയസ് ആവുന്നത് 2nd half ഇലാണ്. അതിലെ ചില ഭാഗങ്ങൾ ഒക്കെ എനിക്ക് വളരെയധികം ഇഷ്ടമായി(relate ചെയ്യാനും കഴിഞ്ഞു ).
ഒരുപാട് സീരിയസായി പോവാതെ നമ്മളിൽ പലരും അനുഭവിച്ച കോളേജ് പ്രണയം എന്ന സംഗതി Connect ചെയ്യാൻ കഴിയുന്ന രീതിയിൽ അതി മനോഹരമായി അവതരിപ്പിച്ചിരിക്കുകയാണ് സിനിമ.
വളരെ ഓർഗാനിക് ആയി പോന്ന സിനിമയിൽ വെറുതെ ലാഗ് അടിപ്പിക്കാൻ വേണ്ടി അനാവശ്യമായി ഒരു സീൻ പോലും എഴുതി വെച്ചിട്ടില്ല എന്നിട്ടും പ്രേക്ഷക പ്രതികരണം മാനിച്ച് സിനിമ തീയേറ്ററിൽ 10 മിനിട്ട് എങ്ങാനും കട്ട് ചെയ്തു എന്ന വാർത്ത എന്നെ ആശ്ചര്യപ്പെടുത്തിയിരുന്നു
സിനിമയുടെ മറ്റൊരു പ്രധാന പോസിറ്റീവ് സംഗീതമാണ്. ജസ്റ്റിൻ വർഗീസ് എന്ന പുതിയ തലമുറയിലെ മികച്ച സംഗീതസംവിധായകൻ ഈ സിനിമയ്ക്ക് വേണ്ടി ഗംഭീരമായ പശ്ചാത്തലസംഗീതമാണ് ഒരുക്കിയിരിക്കുന്നത്. പച്ച പായൽ എന്ന ഗാനത്തിലെ humming portion ബിജിഎം ആയി വന്നത് ഒരു രക്ഷയും ഇല്ലായിരുന്നു
സിനിമയ്ക്ക് യോജിക്കുന്ന പാട്ടുകളും ഒരുക്കി.
Overall പണ്ട് കണ്ട അതേ രീതിയിൽ തന്നെ പിന്നെയും ആസ്വദിച്ചു ഈ സൂപ്പർ ശരണ്യയെ.