മുക്കം അഭിലാഷ്, റോസ് തിയേറ്ററുകളുടെ ഉടമ കെ.ഒ. ജോസഫ് അപകടത്തിൽ മരിച്ചു




മുക്കത്തെ അഭിലാഷ്, റോസ് തിയേറ്ററുകളുടെ ഉടമ കെ.ഒ. ജോസഫ്, അഭിലാഷ് തിയേറ്റർ |

കോഴിക്കോട്: മുക്കത്തെ അഭിലാഷ്, റോസ് തിയേറ്ററുകളുടെ ഉടമ തൃശ്ശൂരിൽ അപകടത്തിൽ മരിച്ചു. കിഴുക്കാരകാട്ട് കെ.ഒ. ജോസഫ് (അഭിലാഷ് കുഞ്ഞൂഞ്ഞ് 74) ആണ് മരിച്ചത്.

എറണാകുളത്ത് നിന്ന് മടങ്ങിവരവേ ഒരു തിയേറ്റർ കെട്ടിടം കാണാനായി ഇറങ്ങിയതായിരുന്നു. തിയേറ്റർ സന്ദർശിക്കുന്നതിനിടെ കെട്ടിടത്തിന് മുകളിൽ നിന്ന് വീഴുകയായിരുന്നു എന്നാണ് പ്രാഥമിക വിവരം.

തലയടിച്ചുവീണ ഇദ്ദേഹത്തെ ഉടനടി ആശുപത്രിയിലെത്തിച്ചെങ്കിലും ഹൃദയാഘാതംകൂടി സംഭവിക്കുകയായിരുന്നു. മൃതശരീരം ഉച്ചകഴിഞ്ഞ് മുക്കത്ത് എത്തിക്കും.

കോഴിക്കോട് മുക്കത്ത് അഭിലാഷ് തിയേറ്റർ സ്ഥാപിച്ചാണ് അദ്ദേഹം ഈ രംഗത്തേക്ക് പ്രവേശിച്ചത്. മുക്കത്തെ തിയേറ്ററുകൾ കൂടാതെ കൂടാതെ കോഴിക്കോട് നഗരത്തിലെ കോറണേഷൻ മൾട്ടിപ്ലക്സ് തിയറ്റർ, റോസ് തിയേറ്ററുകൾ എന്നിവയിലായി എട്ടോളം സ്ക്രീനുകളും കെ.ഒ. ജോസഫിന്റേതായുണ്ട്.